Нұсқаулық

Эргоферон

Жоқ.

Соруға арналған таблеткалар.

Иммуностимуляторлар. Иммуностимуляторлар. Басқа иммуностимуляторлар.
АТХ коды L03AX

ересектерде және 6 айдан асқан балаларда кешенді ем құрамында грипп, парагрипп вирусы, аденовирус, респираторлық-синцитиальді вирус, коронавирус туындатқан жедел респираторлық вирусты инфекциялар профилактикасы және емдеу.

Қолдануға болмайтын жағдайлар - препарат компоненттеріне жекелей жоғары сезімталдық
- 6 айлықтан кіші балалар
- тұқым қуалайтын галактоза жақпаушылығы, лактаза лопарей тапшылығы немесе глюкоза-галактоза мальабсорбциясы.

Қолдану кезінде қажетті сақтық шаралары
Қатысы жоқ.

Басқа дәрілік препараттармен өзара әрекеттесуі
Қазіргі кезге дейін басқа дәрілік заттармен сәйкессіздік жағдайлары тіркелмеген.

Арнайы ескертулер
Айрықша нұсқаулар
Құрамына лактоза моногидраты кіреді, осыған байланысты туа біткен галактоземиясы, глюкоза немесе галактоза мальабсорбция синдромы бар пациенттерге немесе туа біткен лактаза жеткіліксіздігі кезінде тағайындау ұсынылмайды.
Педиатрияда қолдану
Эргоферон препараты 6 айдан асқан балаларда қолданылады.
Жүктілік және лактация кезінде
Эргоферон препаратын жүктілік және лактация кезеңінде қолдану қауіпсіздігі зерттелмеген. Эргоферон препаратын ана үшін пайдасы мен шаранаға немесе балаға төнетін ықтимал қауіптің арақатынасын бағалаудан кейін, аса қажетті болғанда қолдану ұсынылады.

Дәрілік заттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері
Эргоферон көлік құралдарын немесе қауіптілігі зор механизмдерді басқару қабілетіне әсер етпейді.

Дозалау режимі
Бір қабылдауға – 1 таблетка. Эргоферон препараты 6 айдан асқан балаларда ересектердегі дозалау режимінде қолданылады.
ЖРВИ кешенді емі құрамында
Емдеуді жедел инфекцияның алғашқы белгілері пайда болғаннан-ақ бастау қажет. Емдеудің 1-ші күні келесі сызба бойынша 8 таблетканы қабылдайды: алғашқы 2 сағатта әрбір 30 минут сайын 1 таблеткадан (2 сағат ішінде барлығы 5 таблетка), содан кейін осы күн ішінде тең уақыт аралығында тағы 1 таблеткадан 3 рет қабылдайды. 2-ші тәуліктен бастап және одан әрі 1 таблеткадан күніне 3 рет толық жазылғанша қабылдайды.
ЖРВИ профилактикасы.
Күніне 1-2 таблеткадан. Профилактикалық курстың ұсынылатын ұзақтығы жекелей анықталады және 1 - 6 айды құрауы мүмкін.
Қажет болғанда препаратты басқа да вирусқа қарсы және симптоматикалықдәрілермен үйлестіруге болады.
Енгізу әдісі мен жолы
Ішке, шамамен тамақтанудан 15 минут бұрын немесе тамақтанғаннан кейін 15 минут өткен соң. Таблетканы жұтпай, толық ерігенше, ауызда ұстау керек.
Препаратты жасы кіші балаларға тағайындағанда (6 айлықтан 6 жасқа дейін) таблетканы қайнаған бөлме температурасындағы судың аз мөлшерінде (1 ас қасық) еріту ұсынылады.
Артық дозалану жағдайында қабылдануы қажет шаралар
Артық дозаланғанда диспепсиялық құбылыстар (жүрек айнуы, құсу, диарея) препараттың құрамына кіретін қосалқы заттарға негізделген. Емдеу препаратты тоқтату және симптоматикалық ем, мысалы, пероральді регидратация (көп ішу) тағайындау болып табылады.
Дәрілік препараттың бір немесе бірнеше дозасын өткізіп алған кездегі қажетті шаралар
Препараттың дозасын қабылдауды өткізіп алған жағдайда ол дозаны мүмкіндігінше ертерек қабылдау және препаратты қабылдау курсын басталған схема бойынша жалғастыру қажет. Ұмытылған дозаның орнына дозаны екі еселеуге болмайды.
Дәрілік препаратты қолдану тәсілін түсіндіру үшін медициналық қызметкерге кеңес алуға жүгіну бойынша ұсынымдар
Препаратты қолданар алдында дәрігермен кеңесіңіз.

Белгісіз (қолда бар мәліметтер негізінде бағалау мүмкін емес):
- препараттың компоненттеріне жоғары жеке сезімталдық реакциялар

Қазақстан Республикасының денсаулық сақтау Министрлігі медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК.
http://www.ndda.kz

Дәрілік препараттың құрамы
Бір таблетканың құрамында
белсенді заттар:
адам гамма интерферонына аффинді тазартылған
антиденелер 0,006 г^*,
гистаминге аффинді тазартылған антиденелер 0,006 г^*,
CD4-ке аффинді тазартылған антиденелер 0,006 г^*.
* лактоза моногидратына 100¹², 100³⁰, 100⁵⁰ есеге сәйкес сұйылтылған субстанцияның үш белсенді сулы-спиртті сұйылтулары қоспасы түрінде жағылады.
қосымша заттар : лактоза моногидраты, микрокристалды целлюлоза, магний стеараты.

Жалпақ цилиндр пішінді, сызығы мен ойығы бар, ақтан ақ дерлік түске дейінгі таблеткалар. Сызығы бар жалпақ жағында MATERIA MEDICA жазуы бар, басқа жалпақ жағында ERGOFERON жазуы салынған.

Соруға арналған таблеткалар. 20 таблеткадан поливинилхлоридті үлбірден және алюминий фольгадан жасалған пішінді ұяшықты қаптамада.
1 пішінді ұяшықты қаптамадан медициналық қолдану жөніндегі қазақ және орыс тіліндегі нұсқаулықпен бірге картон қорапшаға салынады.

3 жыл
Жарамдылық мерзімі өткеннен кейін қолдануға болмайды!

25 °С-ден аспайтын температурада сақтау керек.
Балалардың қолы жетпейтін жерде сақтау керек!

Рецептісіз.

«МАТЕРИА МЕДИКА ХОЛДИНГ» ҒӨФ» ЖШҚ;
Ресей, 127473, Мәскеу қ., 3-ші Самотечный қысқа көш., 9 үй.
Тел./факс: (495) 684-43-33.

«МАТЕРИА МЕДИКА ХОЛДИНГ» ҒӨФ» ЖШҚ, Ресей;
Ресей , 127473, Мәскеу қ., 3-ші Самотечный қысқа көш., 9 үй.
Тел./факс: (495) 684-43-33.

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)
«МАТЕРИА МЕДИКА ХОЛДИНГ» ҒӨФ» ЖШҚ ҚР өкілдігі
Алматы қ., Сейфуллин көш. 498.
Тел./факс: 2734713
E-mail: kz@dep.materiamedica.ru


Шешімі: N074068
Шешім тіркелген күні: 02.05.2024
Мемлекеттік орган басшысының (немесе уәкілетті тұлғаның) тегі, аты, әкесінің аты (бар болса): Кенжеханова А. Ж.
(Қазақстан Республикасы Денсаулық сақтау министрлігінің Медициналық және фармацевтикалық бақылау комитеті)
Осы құжат «Электронды құжат және электрондық цифрлы қол қою жөнінде» 2003 жылғы 7 қаңтардағы ҚРЗ 7-бабы 1-тармағына сәйкес қағаз түріндегі құжатқа тең